حزب اليمين المغربي — مشروع سياسي في طور التأسيس

1- شرح مغرب الخطتين

خطة ألِف: هي المشروع الملكي الذي يقوده سيدنا باش يوجّد المغرب للاستحقاقات الكبرى: البنية التحتية لتنظيم مونديال 2030، واستمرار التحول الاقتصادي والاجتماعي.

خطة باء: هي مغرب ما بعد 2030. رغم أن الحزب كيخطط لحكومة ما بعد المونديال، ولكن مصلحة البلاد أكبر من أي أطماع سياسية. داكشي علاش الحزب غادي يساعد حكومة المونديال، وغادي يتسنى موافقة جلالة الملك، نصره الله، باش يرفع لولي العهد، أعزّه الله، مجموعة من المشاريع الابتكارية البديلة اللي غادي تساعد حكومة المونديال باش تحسن من صورة المغرب فهاد العرس الكروي. كمثال لهاد المشاريع الابتكارية: غادي نبداو بمشروع لحل مشكل الصراع بين مستعملي التطبيقات ومهنيي الطاكسيات، المشروع المسمى بعقيدة ياسين الطيبي. زيادة على هاد المشاريع الابتكارية، الحزب غادي يعرض على ولد سيدنا استراتيجيات لإدارة المخاطر، باش يكون المغرب واجد حتى إلا تبدلات الظروف الجيوسياسية الدولية.

2- علاش صور سيدنا وولي العهد حاضرة هنا؟

وجود صور صاحب الجلالة الملك محمد السادس نصره الله وأيده، وصاحب السمو الملكي ولي العهد الأمير مولاي الحسن أعزّه الله، مرتبط مباشرة برؤية خطة ألِف وخطة باء كما كيقدمها الحزب فهاد الموقع. لهذا، حضور الصور الملكية هنا الهدف منه شرح هاد الرؤية بصرياً ووضع كل مرحلة فالسياق ديالها، دون أي قصد إلى توظيفها في الدعاية الانتخابية أو الإيحاء بأي دعم أو تزكية ملكية للحزب.

ويعتبر الحزب أن حضور المؤسسة الملكية في رؤيته السياسية مرتبط بطبيعة مشروعه المتفرد و الذي يميزه عن باقي الاحزاب، و القائم على الابتكار والتخطيط على المدى الطويل، وليس على استغلال الرموز الوطنية انتخابياً.

ويأتي هذا العرض مع مراعاة الاحترام المؤسسي لمقام جلالته، نصره الله. وكذلك مراعاة جزئية لمقتضيات المادة 118 من القانون رقم 57.11، والمادة 32 من القانون التنظيمي رقم 27.11، وباقي النصوص القانونية والتنظيمية. ولا يجوز تفسير وجود الصورة بأي حال من الأحوال على أنه تعبير عن تأييد صاحب الجلالة، نصره الله، للحزب أو لبرنامجه أو لمرشحيه.

3- الاستعداد قبل المفاجأة

قبل ما نعرفو آشنو هي هاد عقيدة ياسين الطيبي، كمثال لهاد المشاريع الابتكارية. خلينا نذكّرو المغاربة بضبابية الساحة الدولية، واللي أكد عليها والي بنك المغرب فالتقرير اللي رفعو لجلالة الملك. داكشي علاش دراسة أسوأ السيناريوهات ماشي تشاؤم. المغرب ماشي حانوت، مولاه كيتشاءم من احتمال منافس يفتح حداه. الدول المتقدمة كتعطي لإدارة المخاطر نفس الأهمية اللي كتعطيها لقوانين المالية والتخطيط المستقبلي. السياسة الناجعة ماشي هي أننا نتوقعو أن كلشي غادي يدوز مزيان. الاستراتيجية الناجحة هي الأمل فأحسن نتيجة، مع الاستعداد لأسوأ احتمال.

ماذا لو تغيّر العالم؟ مثال: شنو غادي يوقع إلا، سنة ولا شهور قبل المونديال، الصين قامت بغزو تايوان؟ كلنا كنعرفو أن تأثير الصين على الاقتصاد العالمي غادي يكون أكبر بعشرات المرات من حرب أوكرانيا ولا أزمة مضيق هرمز. واش غادي يبقى العرس الكروي بالصورة اللي كنا كنتسناوها؟ واش عندنا سيناريو بديل، واحتياطي، وخطة نحميو بها الاستثمارات والمشاريع ديال المونديال؟ كيفاش نأمّنو إمدادات الطاقة ونحميو الاقتصاد الوطني؟

ماذا لو عاد الوباء؟ مثال آخر: ماذا لو، قبل أو خلال المونديال، ظهر فيروس أسوأ من كوفيد؟ كيفاش غادي نتصرفو مع ضيوف المونديال؟ ما هي استعدادات قطاع الصحة؟ وواش الاقتصاد الوطني غادي يتحمل جائحة أخرى؟ هادشي بلا ما نذكرو تأثيرات التغير المناخي المتسارعة على الاقتصاد العالمي. يونيو 2026 — زلزال الفلبين + يونيو 2026 — فيضانات الهند + يونيو 2026 — زلازل فنزويلا + يوليو 2026 — زلزال اليابان + أغسطس 2026 — زلزال كولومبيا + أغسطس 2026 — زلزال إندونيسيا + + أغسطس 2026 — حرائق غابات جنوب أوروبا + أغسطس 2026 — إعصار هاواي و ظاهرة إل نينيو — المحيط الهادئ = المهم، خاصنا كمغاربة، وكوعي مجتمعي، نكونو واجدين لأسوأ الظروف، وفنفس الوقت نكملو مسيرة التنمية اللي وضع أسسها جلالة الملك، نصره الله.

4 - حزب المغرب أولاً

فقط وجود حزب كيفكر بهاد الطريقة، وكيقترح حلول ابتكارية وذكية - كيعطي صورة للمواطنين بأنه حزب الدمايغية (دماغ)، جا باش ينهي مسار حزب الملايرية (أخنوش المستقبلي)، وحزب بن إيران (بنكيران المستقبلي)، وحزب الخونة (الحزب اليساري، النهج الديمقراطي، اللي كيدعم البوليساريو)، وكذلك الحزب اليساري ديال نبيلة منيب (اللي كيطالب سيدنا بإسقاط التطبيع ونصرة فلسطين)، القضية اللي حتى ترامب ما قدرش يحلها، عاد سيدنا اللي كيضرب على مصلحة البلاد.

الشعوب اللي أولى بنصرة فلسطين هي باكستان، اللي عندها النووي، وتركيا، اللي الجيش ديالها هو التاسع عالمياً، ومصر، اللي مجاورة مع هاد الصداع وعندهم أقوى جيش فإفريقيا. أما المغرب عندو المشاكل ديالو؛ كاع ما حررنا سبتة ومليلية، نحرروا فلسطين.

النقطة الوحيدة اللي كيدعمها الحزب هي استنكارو التام لإقحام الأطفال فهاد الحرب من كلا الطرفين: لا من حماس اللي خطفات أطفال وماتو فالأنفاق، ولا من القصف العشوائي للجيش الإسرائيلي. من غير التنديد بإقحام الأطفال فالحرب، فنحن مثلنا مثل دول العالم: الكل كيندد، وفنفس الوقت، الكل كيضرب على مصلحة بلادو.

بالنسبة للمواطنين اللي باقيين كايآمنو بالوحدة والقومية العربية، نذكرو العروبة بحرب أكتوبر: المغفور له الحسن الثاني بعث بجنود مغاربة، وغدروهم وخلاوهم معرضين للقصف. هادا جهدنا مع القومية العربية. دابا خاصنا القومية الوطنية باش نضربو على مصلحة بلادنا، وهنا كيبان علاش أحد الشعارات ديال الحزب هو: المغرب أولاً.

أملنا فـ ولد سيدنا أعزّه الله، وفالدستور اللي الحزب موجد ليه؛ الدستور اللي غادي يحل كاع المشاكل، منها: مشكل الهجرة، والصحة، والتعليم، واللي غادي يهني ولد سيدنا من بنكيران، أخنوش، ونبيلة منيب ديال المستقبل.

5- علاش دستور 2011 ما صالحش من بعد المونديال؟

زيادة على أن التغيير سنة الحياة، وأن العالم والذكاء الاصطناعي والجرائم المرتبطة به غاديين بواحد السرعة كبيرة خاصها دستور خاص - زيادة على هاد الأسباب، كاين واحد الحدث قديم غادي يفهّم المغاربة كيفاش دستور 2011 خلّى سيدنا يعاني مع الأحزاب. المغاربة كلهم سمعو من بنكيران - كيفاش سيدنا كان كيهدر معاه بالخاطر وتيحاول يقنعوا بايجاد حلول للبلوكاج الحكومي.

سيدنا عيا مع حكومات الأحزاب، وعيا ما ينبه ويوجّه فالخطابات ديالو.

المغاربة جربو 5 سنين ديال بنكيران، 5 ديال العثماني، و5 ديال أخنوش، وفالأخير: كارثة سبتة، أو فعيد العرش - هادا كيعني أن كارثة سبتة هي نقطة تحول وأن دستور 2011 خرّج على البلاد، وأحسن مثال هو مطالبة المواطنين بإلغاء الساعة الإضافية. رغم الوقفات الاحتجاجية والعريضة اللي وقّعها عشرات الآلاف من المغاربة، والمشاكل الصحية اللي عاناو منها المغاربة وأطفالهم، عطى الدستور لذاك الانتهازي ديال أخنوش السلطة باش يلغي الساعة الإضافية فقط من أجل الانتخابات، ماشي من أجل المغاربة.

حنا جايين باش ولد سيدنا يلقى حزب كيهنيه من صداع المناورات السياسية، ومن أي بلوكاج حكومي مستقبلي. الحزب هو مشروع مغربي، داعم للملكية، رأسمالي ومنتج، كيبدا من الحل، ماشي من المنصب؛ بمعنى كنبينو للمغاربة الحل قبل ما نطلبو منهم المنصب.

1- اثني عشر قرن ديال البركة والاستمرارية

12 قرن ديال الملكية، علمونا خلالها جدودنا أن بركة سيدنا أقوى من مجرد طول العمر. جيل كيسلّم لجيل، وسلطان كيسلّم العرش لسلطان، والملكية كتبقى حاملة استمرارية المغرب، ووحدة الدولة، والأمانة بين الأجيال.

«عاش الملك» كتركّز على بقاء شخص. أما «الله يبارك فعمر سيدنا» فكتحمل معنى أعمق: البركة فالعمر، والبركة فالعمل، والبركة فما يتركه سيدنا لولي عهده ولأجيال القادمة. جدودنا فهمو هاد الفرق عبر قرون، ولكن حنا ضيّعنا هاد المفهوم خلال الستين سنة الأخيرة، فاش الاستعمار دخل لينا مفهوم إنجليزي King Live Long، والذي تمت فرنسته ل VIVE LE ROI - حتى عند الملكيات المشرقية، كيسميو الملك ديالهم: «طويل العمر». أما جدودنا فعلّمونا نقولو: «الله يبارك فعمر سيدنا». الفرق ماشي غير فالكلمات، الفرق فالفلسفة، وهادشي اللي كيميز الحزب ديالنا على هادوك الانتهازيين ديال الأحزاب الأخرى.

خرجتي من الجامع ولا من البار، خاصك تلقى البلاد فيها الأمن وفيها أحسن الخدمات. - قرا العنوان الثاني باش تفهم.

2- حنا ماشي حزب العياشة، حنا حزب البراركية

حزب البراركية كيعني: المغاربة الملكيين، المغاربة اللي واعيين وفاهمين لدرجة تخطّاو عقلية "Monkey See, Monkey Do"، اللي فاهمين الفرق بين «عاش الملك» و«الله يبارك فعمر سيدنا» ماشي كشعار ولكن كفلسفة. المفهوم لي فيه البركة فالعمر والعمل، والبركة فالمسؤلية لي غادي يتولاها ولي العهد أعزه الله، والأجيال القادمة.

كحزب، بغينا المغاربة كلهم يآمنو ب (ت)براركيت و"بالمغرب أولاً"، لأننا كلنا عايشين فوطن كيطّلب سلطة القانون، الصحة، التعليم، وغيرها. خرجتي من الجامع ولا من البار، خاصك تلقى البلاد فيها الأمن وفيها أحسن الخدمات - داكشي علاش حزبنا، حزب المغاربة: يهود ومسلمين، أمازيغ وعرب، وهابيين وصوفيين، مؤمنين وملحدين.

وعلى ذكر الملحدين، فالبركة حتى هي عندها المرادف ديالها فالطبيعة. قرا على Emergent Benefit. بمناسبة ذكر الجامع والبار، فإن الحزب كيدعو لقيم تخلي المجتمع لا منحلّ أخلاقياً بزاف، ولا متزمّت ووهابي بزاف. تكون الأمور بحلاوتها، كيفما كانت فالتسعينات. ولكن الحزب ما غاديش يخلي الأصالة تطغى على العصرنة؛ بمعنى أن الحزب كيدعوا لمواكبة آخر التكنولوجيات، وبناء اقتصاد متطور، مع ضبط سرعة الانحلال الأخلاقي. بالدارجة: داكشي يكون «مثول».

نزيدو واحد الحاجة مهمة بزاف: الحزب براغماتي، وكيقلب على جميع فئات المجتمع المغربي تنخرط فالحزب، باستثناء فئة «مجتمع الألوان». فنحن حزب يميني، ماشي يساري. ورغم براغماتية قيم الحزب، فنحن لا نندد ولا نحرك ساكناً ضد مجتمع الألوان فأمريكا أو أوروبا أو أي بلد آخر، لأن اللي كيهمنا هو المغرب. وكما كيقول المثل: تفوت ***** بلادنا وتجي فين ما بغات.

3- (ت)براركيت ما كتقلّصش من أهمية (ت)عياشت

«عاش الملك» هو دور المخزن، يعني كل مواطن هاز السلاح خاصو يكون عياش، من البوليسي اللي كينظّم السير حتى للجنرال اللي كينظّم الجيش، باش يركز على سلامة الملك وما يكون حتى شي انقلاب. والشعب يركز على «الله يبارك فعمر سيدنا»، باش البركة تستمر مع الملكية.

بما أن أفراد الجيش والأمن ممنوعون من ممارسة الحياة السياسية، فنحن، كمدنيين، حزبنا هو حزب البراركية، وليس حزب العياشة. هادا مشروع مستقبلي، ماشي هضرة خاوية، لأن الحزب كيوجد للمستقبل القريب باش يحط فإيد الشعب وسائل ناجعة تكون خط دفاع حقيقي ورادع قوي ضد أي محاولة انقلاب مستقبلية، وتحمي المغرب من الانزلاق من ملكية يمكن العمل تحت وصايتها لدفع البلاد نحو مستقبل أفضل، إلى نظام عسكري ديكتاتوري لي غادي يجرّ المغرب نحو مستقبل مظلم.

4- هنا وصلنا لأهم سؤال

شنو هي الضمانات أن الثورة اللي كيحلم بيها جيراندو وتريكتوا، ما غاديش تطيح فإيد شي جنرال، اللي يمكن تلقاه دابا كيدعي: يا ربي يديرو الثورة باش نحكم المغرب؟

علاش الملكية حسن من حكم العسكر؟ نحطو العاطفة على جنب، ونكونو براغماتيين، ونفترضو هاد "الكوشمار": الفوضى فالبلاد، الناس دخلو للقصور الملكية، البرلمان شعلات فيه العافية، العائلة الملكية طارت خارج البلاد، النهب فالمولات والأسواق، الكوميساريات كيتحرقو، البانكات والمحلات كيتنهبو، الاغتصابات، والسيبة، وزيد وزيد... نهار، يومين، سيمانة كاع، ومن تما غادي يتدخل الجيش. ممكن ينسق مع البوليس فاللول، ويبداو يفرضو الأمن. الناس غادي تبدا تعاون باش الأمن يرجع للبلاد. بعض أمناء الأحزاب غادي يبداو يجتمعو، كيسحاب ليهم الجنرالات غادي يخليوهم يحكمو، غادي يعطيوهم عام ولا عامين كاع، ومن بعد راك عارف. وبغيتي المثال، شوف مصر ولا جارة السوء.

هادا ماشي كلام خاوي؛ هادا سيناريو خاص أي مغربي كيهضر على الثورة يفكر فيه، وما يسحابش ليه أن المغرب غادي يكون مختلف على مئات التجارب ديال تغيير الأنظمة اللي دازو منها شعوب العالم. -- بحال مقولة أينشتاين، اللي مفادها أن: «الغبي هو اللي يدير نفس الشيء، ويتسنى نتيجة مختلفة». مقولة اللي كتأكد انعدام الضمانات بأن سقوط النظام الملكي غادي ينتج ديمقراطية وماشي حكم العسكر.

5- شكون ضامن ليك الديمقراطية؟

المغربي اللي كيهضر على الثورة خاصو يجاوب قبل على السؤال: شكون ضامن ليك أن من بعد سقوط النظام الملكي غادي تجيك الديمقراطية، وماشي حكم العسكر؟

الا كنتي كتحلم بحال جيراندو وغيرو ان الثورة ديال المغرب غادي تكون مختلفة على 455 ثورة حددها الذكاء الاصناعي فالعالم من 1900 الى 2026 - إلى سولت الذكاء الاصطناعي وبحثتي فالدراسات على شنو كيوقع من بعد تغيّر الأنظمة، غادي تلقى أرقام مثيرة للاهتمام: من أصل 8 ملكيات سقطات، غير وحدة وصلات للديمقراطية، هي النيبال، اه، لي يلاه دارو لعام لي فات ثورة اخرى، باش تعرف ان الا بدات الفوضى صعيب توقف.

وحتى فالأنظمة الاستبدادية اللي بدات تنفتح سياسياً، من أصل 371 تجربة، غير 145 نجحات ووصلات للديمقراطية، وعاود سقطات، مقابل 226 فشلات، يعني نسبة الفشل 61%. والعكس حتى هو وقع: من أصل 84 ديمقراطية بدات كتمشي نحو الاستبداد، 65 منها، أي 77%، انتهات بانهيار الديمقراطية وتولي حكم العسكر السلطة.

وأما إسبانيا والبرتغال، فدارو تحولات سياسية فالسبعينات، فوقت كان أسهل من اليوم من ناحية التهديدات الاقتصادية العالمية، والتغير المناخي، والجائحات، وجيل ما كانش مهدد بالحملات السيبرانية والتدخلات الرقمية. إسبانيا ما دارتش ثورة على الملكية باش تولي ديمقراطية؛ بالعكس - فرانكو مات، والملكية رجعات وهي اللي خلات الدولة تتبدل من الداخل بالتدريج. وأما البرتغال، فهي حالة خاصة ساعداتها فرنسا، بريطانيا، هولندا وألمانيا.

6- السؤال الحقيقي هو … شكون غادي يحكم؟

داكشي علاش السؤال الحقيقي بالنسبة للمغاربة ماشي: واش نقدروا نطيحو النظام؟ السؤال هو: شكون غادي يحكم الغد ليه؟ جيراندو؟ شكون غادي يتحكم فالشرطة؟ شكون غادي يتحكم فالدرك؟ شكون غادي يحمي الحدود والصحراء؟ وشكون غادي يمنع أقوى جنرال من أنه يتحكم فالبلاد كاملة؟ إلى ما عندكش جواب واضح على هاد الأسئلة، فأنت ما كتقترحش ديمقراطية؛ أنت كتقامر بمستقبل دولة كاملة.

حنا كحزب، ماشي مع الجمود؛ ولكن مع انتقال الأمانة والاستمرارية اللي كتتطور، بشرط تكون من العائلة الملكية. وحنا مع الإصلاح اللي كيحمي الدولة، ماشي مع المغامرة اللي كتهدمها.

7- إسقاط المؤسسة ما كيولدش الديمقراطية

الخلاصة من جيراندو وتريكتو: إسقاط مؤسسة بلا ما يكون عندك بديل مضمون ما كيولدش الديمقراطية أوتوماتيكياً؛ كيحل غير الباب لسلطة أقسى وأصعب فالتغيير. شوف المثال ديال هاداك المصري «باسم يوسف»، اللي كان كيضحّك الشعب على أول رئيس منتخب وكيشجع على ثورة ثانية، اللي مهدات لتدخل الجيش. من بعد خاف وهرب لأمريكا، وخلا الشعب فحالة كيتمناو فيها يامات حسني مبارك ترجع. وفـليبيا، كان ولد القذافي كيتقدم كوريث محتمل، ودابا ولد حفتر هو اللي طالع ترند ههه، يعني كون غير خلاو هاداك «زنقة زنقة» ديال القذافي.

ما كنقولوش كحزب إن الأمور السياسية والاجتماعية، ولا حتى الاقتصادية، فالمغرب راها فأحسن حال، ولكن كنقولو حاجة أبسط وأخطر: إلى هدمتي الشرعية بلا ما تحمي قواعد انتقال السلطة، تقدر، بلا ما تقصد، تفرش الطريق لسلطة أصعب فالتغيير. وداكشي علاش حنا كحزب مع الملكية.

8- دابا وصلنا لـ«المسقي» او «المسكَي»

عقيدة سبتة: مؤسس الحزب، راجل بالفعل، ماشي بالفم. نهار من بعد كارثة سبتة، فالفيديو ديالو، واعد المغاربة يصلح الهجرة من الميريكان، كندا، ثم أوروبا. عهد العياقة على فقراء الشعب وبيع وهم الهجرة قارب على الانتهاء.

علاش راجل بالفعل، ماشي بالفم؟ لأن ورّيني شكون هادا اللي غادي يضحي بجنسيتو الأمريكية باش المغاربة يتعرفو فالعالم بأنهم هوما اللي صلحو المشكل الدولي ديال الهجرة. غادي نبداو من كندا، ثم أمريكا، ثم أوروبا، وفي الأخير، تحت القيادة السامية للملكية، غادي نحطو مقترح فالأمم المتحدة للتصويت عليه، باش يولي نظام عالمي للمساواة فالهجرة.

عهد العياقة على فقراء الشعب وبيع وهم الهجرة قارب على الانتهاء.

9- عقيدة سبتة كتبدا من الخارج

كيفاش هاد المشروع غادي يبدا؟ مباشرة من بعد موافقة جلالته على تأسيس حزب اليمين المغربي، غادي نطالبو رسمياً باجتماعات مع الأحزاب اليمينية فكندا، ولجنة من الحزب الجمهوري الأمريكي، وحزب VOX الإسباني، وحزب إخوة إيطاليا (FdI)، والتجمع الوطني (RN) الفرنسي، وحزب البديل من أجل ألمانيا (AfD)، وحزب الحرية (FPÖ) فالنمسا، وحزب من أجل الحرية (PVV) فهولندا، والمصلحة الفلمنكية (Vlaams Belang) فبلجيكا، وChega فالبرتغال، وحزب الشعب السويسري (SVP)، وديمقراطيو السويد (SD)، وحزب الفنلنديين (PS)، وديمقراطيو الدنمارك (DD)، وحزب التقدم (FrP) فالنرويج.

الحزب خدام. باش عهد العياقة على فقراء الشعب وبيع وهم الهجرة قارب على الانتهاء. أما بالنسبة للبصمة الرقمية المرتبطة بقضايا الضرر النفسي للمهاجرين، واللي كيستعملو وسائل التواصل الاجتماعي للتبجح بالخدمات الاجتماعية وإلحاق الضرر النفسي والاستفزاز، فغادي نناقشو مع هاد الأحزاب اليمينية الأوروبية وأحزاب أمريكا الشمالية. غادي نناقشو كيفية التوصل لوسائل حديثة للتعامل مع هاد الكم الهائل من المتابعات القضائية المحتملة.

10- الأولوية للي ما يبقاش فدول العبور

بالنسبة لمهاجري جنوب الصحراء، كنطالبو جميع المؤثرين المغاربة، والصحافة العمومية والخاصة، باش يعلمو هاد المهاجرين المتواجدين فالمغرب بأن نظام الهجرة العالمي الجديد، اللي غادي توافق عليه الدول الغربية بالفرحة لأنه كيحل المشكل بصفة مستدامة، غادي تكون عندو شروط لي غادي نطرحوها فاجتماعاتنا مع الأحزاب اليمينية الأوروبية وأحزاب أمريكا الشمالية.

إذن، باش الحزب يحل مشكل مهاجري جنوب الصحراء فبلادنا، غادي نشرطو على جميع الأحزاب اليمينية اللي غنتلاقاو معاها أن الأولوية تكون للمهاجرين اللي بقاو عالقين فدول العبور، باستثناء المغرب. بمعنى: إلا بقيتي فالمغرب، ما غاديش تكون من المهاجرين اللي غادي يستافدو من النظام العالمي الجديد للهجرة، أو ما يسمى بـ«المأذونيات» أو «الميدالينز».

بمعنى أوضح: إلا المهاجر ما خرجش من المغرب نحو دول العبور الأخرى، بحال الجزائر، تونس، ليبيا وحتى مصر، وبقى فالمغرب، ما غاديش ياخد المأذونية ديالو، حيث خاصو يكون خرج من المغرب ومتواجد فواحد من هادوك البلدان باش يكون من الأوائل اللي يستافدو من النظام الجديد للهجرة العادلة. ومن اللي يتقاد هاد النظام العالمي الجديد للهجرة، الأمور غادي تختلف نهائياً على النظام الحالي. وأنا ديجا خدام على هاد التصور، وحتى براءة اختراع مرتبطة بهاد النظام العالمي الجديد سبق ليا وجدتها.

11- ها حنا خدامين

إذن، كنوصي المغاربة يعلمو مهاجري جنوب الصحراء. وبالنسبة للي ما بغاش يخرج، فالحزب غادي يدير جولة فالدول الإفريقية لدعم الحركة النسوية واستبدال المهاجرين الذكور بالمهاجرات الإناث، لدعم النسوية وحقوق المرأة. يالاه، بغاو غير القوالب! آش بان ليكم آ المغاربة، حزب واعر ولا ماشي واعر؟

آه، ونذكرو المغاربة: هادي من ناحية الهجرة. أما من ناحية الفساد المؤسساتي والأخلاقي، والصحة والتعليم وغيرهم، فكنطالبو المواطنين بشوية ديال الوقت. ونزيدو هادا ميساج خاص للشباب وجيل Z: الله يخليكم، ديرو معانا المزيان وعطيو الحزب فرصة. ها حنا خدامين. نتمنى تسمعوا لينا قبل ما تفكروا تخربوا البلاد، وتقلبوها من ملكية ممكن معاها الإصلاح، لواحد الديكتاتورية العسكرية اللي ما معاها "جد بات" شي إصلاح.

12- عقيدة ريكو: نسلّتو الشوكة بلا دم

على ذكر الفساد المؤسساتي والأخلاقي، نبداو بالفساد المؤسساتي والإداري، وحتى القضائي. هادو كاملين مجموعين كيمثلو مشكل صعيب، كيطلب واحد العبقرية سياسية واجتماعية، وواحد المعالجة خاصة وحساسة باش نسلّتو الشوكة بلا دم: نقضيو على الفساد بلا ما نهدمو بلادنا. المشروع اللي كيسميه الحزب «عقيدة ريكو».

نقضيو على الفساد بلا ما نهدمو بلادنا.

13- عقيدة فيلاج اللفت

أما بالنسبة للفساد الأخلاقي، فالحل ساهل وما خداش من المؤسس وقت كثير: «عقيدة فيلاج اللفت». المؤسس كان كيفكر كيفاش البلاد تكون منفتحة بلا ما نعرضو بناتنا للدعارة، وكيفاش نحاربو الفساد الأخلاقي. وبتجربتو مع النساء، عارف أن ما كيقهر المرأة غير امرأة بحالها. الفكرة جاتو فاش كان واحد المرة فكولومبيا، اللي كتعتبر مركزاً للدعارة أكثر من البرازيل.

قال: علاش ما نستوردوش الدعارة، وفنفس الوقت نزيّرو على بناتنا؟ نجيبو بنات بلادات الناس اللي بغاو يخدمو فدعارة مقننة، البلاد تزهى، ورجال وشباب المغرب يتبرعو، ونحاربو الكبت والاغتصابات والسلوكات الجنسية الشاذة. -- وكذلك باش السياح من جميع أنحاء العالم، باستثناء المشارقة بطبيعة الحال، اللي هما أعداء ديال الحزب، يلقاو دعارة مقننة، ولكن بخبز ديال برا، يعني أجنبيات ماشي مغربيات: كولومبيات، برازيليات، تايلانديات، أوكرانيات، وزيد وزيد. أما خبز الدار، زعما بنات بلادنا، فهو لمول الدار، زعما ولاد بلادنا.

14- آخر 40 عام ما يغلبوش 12 قرن

أما بالنسبة للحركات النسوية فالمغرب اللي غادي تعارض هاد المشروع، فنأكد على إننا حزب يميني فالفكر، وكنعتابرو راسنا خصماً للحركات اليسارية التحررية والنسوية ومجتمع الألوان.

الحاصول: آخر أربعين سنة ديال «ترعوانيت» ما غاديش تغلب الجينات ديال 12 قرن ديال «ترجليت».

-- فاش كانت «ترجليت» بالسيف ماشي بالبارود، العثمانيون استعمروا العالم العربي، ووصلوا حتى للمغرب، ولكن ما قدروش يستعمروه؛ لأن «الترجليت»، بالنسبة لينا كمغاربة، عندها الجينات ديالها. المغاربة جربو العهد ديال سيدنا، ودابا ما بقى والو لعهد ولد سيدنا.

-- وفعهد ولد سيدنا غادي نطالبو بهاد العقيدة، ونزيدو عليها ضريبة على الزواج المختلط، مع ازدواجية فالمعايير؛ بمعنى اللي عطا بنتو لشي مشرقي خاصو يخلص ضرائب، على الاقل خمسة ديال المرات أكثر من المواطنين اللي ما دايرينش زواج مختلط، باستثناء أمريكا، اللي غادي نطلبو منها النووي، وبعض الدول الأخرى اللي كتصلح معاها ازدواجية المعايير.

-- عاد نزيدو ضرائب البصمة الرقمية اللي ما كتسقطش بالتقادم، باش تستهدف جيب أي وحدة خدشات الحياء العام، واللي كيطلعو مع الفقيه مول Dating، وكذلك الخونة اللي كيدعمو المشارقة، وزيد عليهم حتى داعمي البوليساريو.

المهم، المغاربة لقاو الحزب اللي كان خاصهم: حزب ملكي، ابتكاري، غير اعتيادي وقومي.